هەر قاچاغچیەک بیەوێت کەسێک بپەڕێنێتەوە ناو بەریتانیا روبەڕوی قورسترین سزا دەبێتەوە
  2021-03-04       514       

ماڵپەڕی گاردیانی بەریتانی لە زاری وەزیری ناوخۆی وڵاتەکەیانەوە راشیگەیاندووە، هەر قاچاغچیەک بیەوێت کەسێک بپەڕێنێتەوە ناو بەریتانیا روبەڕوی قورسترین سزا دەبێتەوە.

ئاوێنه‌: ئاماژەی بەوەشداوە، ئەو بڕیارەی وەزارەتی ناوخۆ لەوەوە هاتووە، کە رۆژی شەممەی رابردوو ٨٧ کەس لە کەناراوەکانی باشوری بەریتانیا لە خنکان گەڕاونەتەوە و رزگارکراون.

وەزارەتی ناوخۆی بەریتانیا دەشڵێت، هەڵمەتێکی گەڕان و پشکنینی دەستپێکردووە بۆ دەستبەسەرکردنی قاچاخچیەکان.

ئاشکراشیکردووە، هەر پەنابەرێک بیەوێت بەرێگەی یاسایی بێت بۆ ئەو وڵاتە، پێشوازی لێدەکەن و هەموو خزمەتگوزارییەکی پێشکەش دەکەن.

ئەمەش لەکاتێکدایە، ساڵانە چەندەها کەس لە رێگەی نایاسایی و قاچاغەوە و لە فەڕەنسا و کەناراوەکانی دەوروبەری بەریتانیاوە بە قاچاغ دەچنە ناو بەریتانیاوە.


زۆرترین بینراو
© 2021 Awene Online, Inc. All Rights Reserved.
×