2021-03-06   615     
حاكم لەتیف مستەفا دەڵێت، دەسەڵات لای دەوڵەت و پەرلەمان نییە، بەڵكو لای ئەو كەسانەیە، كە لە پشتەوەی حكومەت دەسەڵاتیان بەدەستەوەیە.
ئەمڕۆ شەممە 6ی ئازاری 2021، حاكم لەتیف مستەفا، لە میانی بەڕێوەچونی دیداری بزوتنەوەی گۆڕان بۆ پرسی سەرەوەری یاسا لە هەرێمی كوردستان رایگەیاند:" بەردەوام پرسیاری ئەوە دەكرێت بۆ چی لە هەرێم یاسا سەروەر نابێت، وەڵامەكەشی ئەوەیە هەرێم كێشەی ریشەیی دەسەڵاتی هەیە، یەك دەسەڵاتی دەوڵەتمان نییە، ئێستا دەسەڵاتی یاسا لە هەولێر و سلێمانی وەك و یەك نییە."
دەشڵێت:" دامەزراوەی یاسادانان و دادوەری و جێبەجێكردنمان هەیە، بەڵام دەسەڵات لای دەوڵەت و پەرلەمان نییە لای ئەو كەسانەیە، كە لە پشتەوەی حكومەت دەسەڵاتیان بەدەستەوەیە."
جەختی كردەوە لەوەی، ئێستا خراپترین جۆری دەسەڵاتی دادوەرییە كە لە هەرێمی كوردستان هەیە، كۆی سیستەمەكە كێشەی تێدایە هۆكاری سەرەكییە كە وایكردووە دەسەڵاتی دادوەری لە ئاست ئەو نادادیانە بێدەنگ بێت.