2021-03-08 441
جێگری سەرۆکی ئەنجومەنی نوێنەرانی عێراق، داوای ئاساییکردنەوەی دۆخی شنگال و ئاوەدانکردنەوەی شارەكە دەکات.
ئاوێنه: شاندێکی کوردانی ئێزدی قەزای شنگال سەردانی حەسەن کەعبی جێگری سەرۆکی ئەنجومەنی نوێنەرانی عێراقیان كرد، لەمیانەی سەردانەكەیان حەسەن كەعبی داوای کرد، شنگال لە ناکۆکییە سیاسییەکان دووربخرێتەوە و فەرماندەی گشتی هێزە چەکدارەکانی عێراق، سەرپەرشتی راستەوخۆی دۆسیەی ئەو شارە بکات.
کەعبی وتیشی، دەبێت دۆخی شنگال ئاسایی بکرێتەوە و دەست بە ئاوەدانکردنەوەی شارەکە بکرێت.
ئەمە لەكاتێكدایە بۆ ئاساییكردنەوەی دۆخی شنگال، رێككەوتن لەنێوان حكومەتی ھەرێمی كوردستان و حكومەتی عێراق واژۆ كراوە، بەڵام تائێستا حكومەتی عێراق رێككەوتنەكەی جێبەجێ نەكردووە.