2021-03-10 762
نەوزاد شێخ كامیل بەڕێوەبەری گشتی بازرگانی لە وەزارەتی پیشەسازی و بازرگانی حكومەتی هەرێم ئاشكرایكرد: قۆناغێكی دیكەی شایستە داراییەكانی جوتیاران خەرج دەكرێت، كە بڕەكەی زیاتر لە 22 ملیار دینارە.
ئاوێنە::نەوزاد شێخ كامیل بەمیدیایەکی پارتی ڕاگەیاندوە: قۆناغی حەوتەمی پارەی گەنمی جوتیاران بۆ ساڵی 2020 خەرج دەكرێ، كە بڕەكەی 22 ملیار 260 ملیۆن دینارە،بەم شێوەیە، 8 ملیار و 56 ملیۆن دینار بۆ پارێزگای سلێمانی، 7 ملیار و 176 ملیۆن دینار بۆ پارێزگای هەولێر، 7 ملیار و 28 ملیۆن دیناریش بۆ پارێزگای دهۆك خەرج دەكرێ.
ئاماژەی بەوەشداوە: چەكەكان گەیشتوون و لە هەفتەی داهاتوو رێكارە كارگێڕییەكان دەست پێ دەكەن و چەند رۆژێك دواتریش پارەكە دابەش دەكرێت.
بەڕێوەبەری گشتی بازرگانی لە وەزارەتی پیشەسازی و بازرگانی جەختیلەوەشكردوەتەوە: هیشتاش نزیكی 100 ملیار دینار پارەی ساڵی 2020ی گەنمی جوتیارانی كوردستان لە لای حكومەتی عێراق دەمێنێتەوە.