د. نەزیر عوبەیدات، وەزیری تەندروستی ئوردن، دوای مردنی شەش كەس بەهۆی نەمانی ئۆكسجین لە نەخۆشخانەیەكی ئەو وڵاتە، دەستلەكاركێشانەوەی خۆی پێشكەشی سەرۆك وەزیران كرد.
ئاوێنە: وەزیری تەندروستی ئوردن، لە كۆنگرەیەكی رۆژنامەوانیدا رایگەیاند، بۆ ماوەی سەعاتێك ئۆكسجین لە بەشەكانی چاودێری چڕ لە نەخۆشخانەی "سەڵت" بڕاوە، لە ئاكامی ئەو كێشەیەدا شەش كەس گیانیان لەدەستداوەو دەستیش بە لێكۆڵینەوە كراوە.
وتیشی"دەستلەكاركێشانەوەی خۆم پێشكەشی سەرۆك وەزیران كردوەو بەرپرسیارێتی ئەخلاقی ئەو روداوە لەئەستۆ دەگرم."
وەزیری تەندروستی ئوردن جەختی كردەوە كە هیچ پاساوێك بۆ ئەو مردنانە نییەو لێپێچینەوە لەگەڵ ئەوانە دەكرێت كە كەمتەرخەم بون.
لای خۆشییەوە سەرۆك وەزیرانی ئوردن فەرمانی دا بە دەستكردنی بە لێكۆڵینەوەیەكی بەپەلە لەو روداوەكە.