وەزارەتی دارایی ھەرێم: دابەشکردنی موچە دەستپێدەکات
  2021-03-17       563       
وەزارەتی دارایی و ئابووری هەرێمی کوردستان رایگەیاند، رۆژی پێنجشەممە 25-03-2021 دەست بە دابەشکردنی مووچەی مانگی سێ دەکرێت.

ئاوێنە: ئەمڕۆ چوارشەممە 17-03-2021، وەزارەتی دارایی و ئابووریی هەرێمی کوردستان بڵاویکردەوە، کە بە پێی میکانیزمی مانگی پێشوو دەست بە دابەشکردنی مووچەی مانگی سێ دەکرێت، واتە دابەشکردنی مووچەش بە لێبڕینی 21% دەبێت.

رۆژی 10-03-2021 د. جووتیار عادل، وتەبێژی حکومەتی هەرێمی کوردستان لەبارەی دابەشکردنی مووچە رایگەیاند، کە 25ی مانگ مووچە دابەشدەکرێت و "رێژەی لێبڕینەکەشی وەزارەتی دارایی دیاریی دەکات".

رۆژی 9ی شووباتی 2021 زیاد جەبار، سەرۆکی لیژنەی دارایی لە پەرلەمانی کوردستان رایگەیاند، لیژنەکەیان لەگەڵ وەزارەتی دارایی کۆبووەتەوە و دڵنیاییان پێداون کە هەموو 25ی مانگێک مووچە دابەشبکرێت.



زۆرترین بینراو
© 2021 Awene Online, Inc. All Rights Reserved.
×