دوو بەرپرسی باڵای هەواڵگری ئەمەریکا بانگەشەی ئەوە دەکەن کە لەکانونی دووەمی ساڵی ٢٠٢٠ ئێران پلانی ئەوەی داڕشتووە دزە بکات بۆ ناو بنکەی سەربازیی فۆرت ماکنەیر لە واشنتۆن.
ئاوێنه: ئاژانسی هەواڵی (ئەی پی)ی ئەمریکی رایگەیاند:"ئەو گەورە بەرپرسانەی هەواڵگری ئەمەریکا بانگەشەی ئەوە دەکەن کە ئێران بەنیازبووە دزە بکات و چاودێری بنکەی فۆرت ماکنەیر بکات، کە شوێنی نیشتەجێبوونی فەرمی جێن جۆزیف مارتن، جێگری سەرۆکی دەستەی سەرۆکایەتی هاوبەشی ئەمریکا و چەند جەنەڕاڵێکی دیکەیە".
ئاماژەی بۆئەوەشکردووە:" بەپێی ئەو زانیارییانەی دەستیان کەوتووە، ژیانی تایبەتی ژەنەڕاڵ جۆزێف مارتینیش لەو کاتەدا لە مەترسیدا بووە".
بە وتەی ئەو دوو بەرپرسە هەواڵگرییە کە قسەیان بۆ ئاژانسەکەکردووە" سوپای ئەمریکا دوای ئاشکرابوونی ئەو پلانە زیاتر هەوڵی بەهێزکردنی ئاسایش دەدات لەبنکەی فۆرت مەکنەیر ".