2021-03-24   569     
وتەبێژی وەزارەتی تەندروستی ئێران ڕایدەگەیەنێت، لە 24 كاتژمێری ڕابردوودا 7605 كەس تووشی كۆرۆنا بوون.
ئاوێنه: سیما سادات وتەبێژی وەزارەتی تەندروستی ئێران لە كۆنفڕانسێكی ڕۆژنامەوانیدا ڕایگەیاند، لە 24 كاتژمێری ڕابردوودا 7605 كەس لە ئێران تووشی ڤایرۆسی كۆرۆنا بوون و 94 كەسیش گیانیان لە دەستداوە.
وتیشی”لە سەرەتای دەركەوتنی ڤایرۆسەكە تاكو ئەمڕۆ ملیۆنێك و 823 هەزار و 317 كەس لە ئێران تووشی كۆرۆنا بوون”.
ئاماژەی بۆ ئەوەش كرد، هەر بەهۆی ڤایرۆسەكەوە تا ئێستا 62 هەزار و 45 كەس لە ئێران گیانیان لە دەستداوە.
وتەبێژی وەزارەتی تەندروستی ئێران ئاشكراشیكرد، لە ئێستادا 17 شارۆچكە ڕەنگی سوور و 47 شارۆچكەش ڕەنگی پڕتەقاڵییان لێدراوە و بەو هۆیەوە هاتوچۆ لەنێوان ئەو شارۆچكانە قەدەغە كراوە.