ئەندامێکى لیژنەى
دارایی لە پەرلەمانى عێراق رایگەیاند؛ سبەی شەممە لیژنەى دارایی کۆبونەوە لەگەڵ سێ
وەزیرى عێراق ئەنجام دەدات و دەشڵێت: ئاسان نییە سبەی دانیشتن لەبارەى بودجەوە ئەنجام
بدرێت.
ئاوێنە: ئەحمەد حاجى رەشید، ئەندامى لیژنەى
دارایی لە پەرلەمانى عێراق، ئەمڕۆ هەینی بە میدیای گۆڕانی راگەیاند"سبەی سەعات
(10:00) لیژنەى دارایی لە پەرلەمانى عێراق کۆبونەوە لەگەڵ هەرسێ وەزیرى پلاندنان و
نەوت و دارایی عێراق ئەنجام دەدات."
ئەو ئەندامەى لیژنەى
دارایی لەبارەى ئەو کۆبونەوەیەوە وتی: کۆبونەوە لەگەڵ وەزیرى پلاندانان تایبەت دەبێت
بە پڕۆژەكانی وەبەرهێنان لەپارێزگاکانی عێراق،
کۆبونەوەش لەگەڵ وەزیرى نەوت بەمەبەستى جێگیرکردنى نرخى نەوتە لە بودجەدا و لەگەڵ
وەزیرى داراییش بۆ ئەو ژمارانەیە کە لە بودجەدا چۆن بخەمڵێندرێن.
هەروەک لەبارەى
دانیشتنەکانى سبەى پەرلەمانى عێراق لەبارەى بودجەوە وتى: زەحمەتە سبەینێ دانیشتنەکە
لەبارەى بودجەوە ئەنجام بدرێت، چونکە هەر ژمارەیەک لەم ژمارانە دەستکارییان بکرێت
ئەوا کاریگەرى دروست دەکات و دەبێت دوبارە پرۆژە یاساى بودجە دەستکارى بکرێتەوە بۆیە
رەنگە سبەی ئاسان نەبێت بودجە تێبپەڕێت.
ئەوەش
لەكاتێكدایە پەرلەمانی عێراق، دوایین دانیشتنی خۆی بۆ پەسەندكردنی بودجە بۆ سبەی
شەممە هەڵگرت.