2021-03-26   664     
بەتۆمەتى پەیوەندى بەداعشەوە، دەزگاى دژەتیرۆرى تورکیا 25 هاووڵاتى عێراقی لە ئەنقەرەى پایتەختى ئەو وڵاتە دەستگیرکرد.
ئاوێنه: ئاژانسى هەواڵى فەرمیى تورکیا لەسەر زارى سەرچاوەیەکى ئەمنییەوە بڵاویکردووەتەوە، 26 تۆمەتبار لەناو تورکیادا دەستگیرکراون بەتۆمەتى پەیوەندى بوون بەداعش و هەروەها ئەنجامدانى چالاکى لەناوچەکانى شەڕدا.
ئاماژە بۆ ئەوەش کراوە، لەو ژمارەیە 25 تۆمەتباریان ڕەگەزنامەى عێراقییان پێ بووە.
باس لەوەش کراوە، ئۆپراسیۆنەکان بۆ دەستگیرکردنى دواهەمین تۆمەتبارى ئەو ڕووداوانە بەردەوامە.