كەشناسی هەرێم باری كەشوهەوای ئەمڕۆ هەینی و سبەی شەممەی شارەكانی باشوری
كوردستانی بڵاوكردەوە كە پێشبینی بارینی نمە باران و تاوە باران دەكات لەگەڵ
ئەگەری بارینی بەفرێكی كەم لەناوچە شاخاوییە سنورییەكانی پارێزگاكانی هەرێمدا.
ئاوێنە: بەڕێوەبەرایەتی گشتی كەشناسی و بومەلەرزەزانی هەرێمی كوردستان، لە
راگەیەندراوێكدا وتی، ئاسمانی ئەمڕۆی شارەكانی باشوری كوردستان پەڵەهەور بۆ نیمچە
هەور دەبێت لەگەڵ بارینی نمەبارانی پچڕپچڕی كەم لە هەولێرو دهۆك.
هەروەك ئاماژەی بەوەشداوە كە ئاسمانی سبەی شارەكانی باشوری كوردستان
لەنێوان نیمچە هەور و هەوردا دەبێت لەگەڵ بارینی نمە باران لە ناوچە جیاجیاكاندا
كە لە پارێزگاكانی هەولێرو سلێمانی بۆ تاوە باران و بروسكە دەگۆڕێت و هەروەها
ئەگەری بارینی بەفرێكی كەم لە ناوچە شاخاوییە سنورییەكانی پارێزگاكانی هەرێم لە
كاتەكانی بەیانیدا هەیە.