تەندروستی هەرێم داوای كەمكردنەوەی بەریەككەوتن لە نۆڕینگە پزیشكییەكاندا دەكات
  2021-04-02       276       

وەزارەتی تەندروستی حكومەتی هەرێم داوا لە سەندیكای پزیشكانی كوردستان دەكات رێنمایی خۆپارێزی دەربكەن بۆ دانانی نۆرەو كەمكردنەوەی بەریەككەوتن لە نۆڕینگە پزیشكییەكان كە یەكێكن لە شوێنە قەرەباڵغەكان.

ئاوێنە: وەزارەتی تەندروستی لە نوسراوێکدا کە ئاڕاستەی سەندیکای پزیشکانی كوردستانی كردوە، رایگەیاندوە، دوابەدوای بڵاوبونەوەو زیادبونی ژمارەی توشبوانی کۆرۆنا لە هەرێمی کوردستان و لاوازیی پابەندبونی هاوڵاتییان بە ڕێنماییە تەندروستییەکان لە شوێنە گشتییەکان و قەرەباڵغەکان، لە نۆرینگه‌ پزیشكییه‌كانیش كە یه‌كێكن له‌ شوێنه‌ قه‌ره‌باڵغه‌كان، دەبێت ڕێنماییە تەندروستییەكان بەتەواوی جێبەجێ بكرێن.

ئاماژەی بەوەشداوە كە داوا لە سەندیکای پزیشکان دەكەین کاری پێویست ئەنجام بدەن بە دەرکردنی ڕێنمایی بۆ دانانی نۆرە و کەمکردنەوەی بەریەککەوتن لە نۆرینگەکان.

زۆرترین بینراو
© 2021 Awene Online, Inc. All Rights Reserved.
×