2021-04-02 439
.jpg)
فیدراسیۆنی سەرتاسەری پەنابەرانی عێراق رایگەیاند، یەختێکی پەنابەران کە زۆربەیان هاوڵاتی هەرێمی کوردستان بوون، لە کاتی پەڕینەوەیان لە فەرەنساوە بۆ بەریتانیا کیشەی تێکەوتووەو دواتر سه‌رنشینه‌كانی رزگارکراون.
ئاوێنه: فیدراسیۆنی سەرتاسەری پەنابەرانی عێراق بڵاویکردەوە، دوای ئاگادارکردنەوەیان لەلایەن کەسوکاری سەرنشینەکانی ناو یەختەوەکەوە، پەیوەندیان بە دەزگا پەیوەندیدارەکانی بەریتانیا و فەرەنساوە کردووە و توانراوە سەرجەمیان کە ٣٦ کەس بوون رزگاربکرێن.
ئەوەشی خستووەتەڕوو، پۆلیسی ئێشکگری فەرەنسا بە هانای یەختەکەوە چووە کە لەناو سەرنشینەکانیدا ژن و منداڵ هەبووە و زۆربەیان خەڵکی هەرێمی کوردستان بوون.
فیدراسیۆنی سەرتاسەری پەنابەرانی عێراق، کەسوکاری پەنابەرەکان دڵنیادەکاتەوە هەموویان سەلامەتن و لە ئێستادا لەژێر چاودێریدان.