جێگری بەڕێوەبەری
تەندروستی سلێمانی رایگەیاند، ئەوان پێشنیاری قەدەغەی هاتوچۆیان نەکردوە و رێکارەکانی
خۆپارێزی لە ئێستادا باش بەڕێوەدەچن.
ئاوێنە: دوای ئەوەی
لە چەند رۆژی رابردودا لیژنەی باڵای روبەڕوبونەوەی کۆرۆنا لە هەرێم بڕیاریدا رێکارەکان
توندبکاتەوە، ئەمڕۆ یەکشەممە، هێرش سەلیم جێگری بەڕێوەبەری تەندروستی سلێمانی بە ئێن
ئاڕ تی راگەیاند، "ئێمە بە هیچ شێوازێک پێشنیاری قەدەغەی هاتوچۆمان نەکردوە."
هێرش سەلیم ئەوەشی
خستوەتەڕو، "رێکارەکانی خۆپارێزی لە ئێستادا باش بەڕێوەدەچێت و گۆڕانکاری باشی
بەسەردا هاتوە و دەکرێت زیاتر بەرەو باشتریش بڕوات."
راشیگەیاند،
ژمارەی ئەو ڤاکسینانەی گەیشتوەتە پارێزگای سلێمانی زۆر نییە و تا ئێستا بە نزیکەی
زیاتر لە ١٨ هەزار ڤاکسینمان بە دەستگەیشتوە، کە ئەگەر بمانەوێت دابەشی بکەین بەسەر کارمەندانی تەندروستی
ناو شاری سلێمانی و یەکە ئیدارییەکاندا ئەوا بەشیان ناکات.