وەزارەتی پەروەردە دو پێشنیاری لەبەردەمدایە بۆ خوێندنی ئەمساڵ
  2021-04-07       291       

سەرۆکی لیژنەی پەروەردە و خوێندنی باڵا رای گەیاند بۆ چارەنوسی پرۆسەی خوێندن دو پێشنیار لە بەردەم وەزارەتی پەروەردەدایە.

ئاوێنە: عەبدولسەلام دۆڵەمەری سەرۆکی لیژنەی پەروەردە و خوێندنی باڵا لە پەرلەمانی كوردستان لە کۆنگرەیەکی رۆژنامەوانیدا لە دوای کۆبونەوەیان لەگەڵ وەزیری پەروەردە، رایگەیاند، دەرگای قوتابخانەکان تا ئەو کاتەی لیژنەی باڵای کۆرۆنا بریار دەدات، بە داخراوی دەمێننەوە.

وتیشی: دو پێشنیار لەبەردەم وەزارەتی پەروەردەدایە، یەکەم ئەوەیە دەرگای قوتابخانەکان دابخرێن تا دۆخەکە باش دەبێت، یان پرۆسەی خوێندن بکرێتە ئەلیکترۆنی.

هەروەها ئاماژەی بەوەدا كە پرۆسەی ئەلیکترۆنییان پێباش نییە، چونکە یەکسان نییە و ناتوانرێ بە تەواوی جێبەجێ بکرێت.

زۆرترین بینراو
© 2021 Awene Online, Inc. All Rights Reserved.
×