ماتیۆ تولەر، باڵیۆزی ئەمریكا لەعێراق رایگەیاند، حكومەتی عێراق هەنگاوی
باشی ناوە بۆ رێگرتن لە دوبارەبونەوەی هێرشەكان بۆ سەر ناوچەی سەوز و دەشڵێت،
باڵیۆزخانەكەیان لە بەغدا داناخەن.
ئاوێنە: ماتیۆ تولەر لە میانی چاوپێكەوتنێكدا لەگەڵ میدیای رەسمی عێراق،
رایگەیاند، ئەو گروپە چەكدارانەی هێرشدەكەن سەر ناوچەی سەوز، سەروەری عێراق دەكەنە
ئامانج.
باڵیۆزی ئەمریكا وتیشی، حكومەتی عێراق هەنگاوی باشی ناوە لەپێناو رێگریكردن
لە دوبارەبونەوەی ئەو هێرشانە.
تولەر جەختیشی كردەوە كە هیچ نیازێك نییە بۆ داخستنی باڵیۆزخانەی ئەمریكا
لەعێراق و ئیدارەی ئێستای ئەمریكا سەرنجی لەسەر كاری دیپلۆماتییە بۆ گەیشتن بە
ئەنجامی باش.
وتیشی، پەیوەندییەكانی ئەمریكا لەگەڵ عێراق تەنها لەسەر بنەمای بەرژەوەندی
هەردو وڵاتن.