ئاماری نوێی كۆرۆنا لە هەرێم: ژمارەی توشبوان دابەزی و مردن هەڵكشا
  2021-04-10       697       

وەزارەتی تەندروستی حكومەتی هەرێمی كوردستان، ئەمڕۆ شەممە، رایگەیاند، لەماوەی 24 سەعاتی رابردودا ژمارەی توشبوانی كۆرۆنا دابەزیوەو ژمارەی مردن بەرزبۆتەوە، بەشێوەیەك  612 حاڵەتی نوێی توشبون تۆماركراون و 11 توشبوی دیكەی ڤایرۆسەكەش گیانیان لەدەستداوە.

ئاوێنە: وەزارەتەكە، كەمێك لەمەوبەر لە راگەیەندراوێكدا ئاماری 24 سەعاتی رابردوی كۆرۆنای لە هەرێمی كوردستان خستەڕو.

بەگوێرەی راگەیەندراوەكە لەماوەی 24 سەعاتی رابردودا حەوت هەزارو 367 پشكنینی نوێ ئەنجامدراون و ژمارەی ئەو كەسانەی توشی كۆرۆنا بون زیاترە لەوانەی كە لە ڤایرۆسەكە چاكبونەتەوە، بەشێوەیەك 612 توشبوی نوێی كۆرۆنا تۆماركراون و 384 توشبوش چاكبونەتەوە.

وەزارەتی تەندروستی هەرێم ئاماژەی بەوەشداوە كە لەماوەی 24 سەعاتی رابردودا 11 توشبوی كۆرۆنا گیانیان لەدەستداوە: 4 لە هەولێر، 6 لە دهۆك، 1 لە هەڵەبجە.

دەقی راگەیەندراوەكە...


زۆرترین بینراو
© 2021 Awene Online, Inc. All Rights Reserved.
×