عەلا جبوری وەزیری بازرگانی عێراق ئاشكرایكرد: بەپێی رێنماییەكانی ئەنجومەنی وەزیران لە مانگی رەمەزاندا دوو بەش خۆراك دابەش دەكرێت.
عەلا جبوری وەزیری بازرگانی عێراق لە لێدوانێكی رۆژنامەوانیدا باسی لەوەكردوە: پارەیان وەرگرتوە بۆ كڕین و دابەشكردنی خۆراك لە مانگی رەمەزاندا، 80%ی كارەكان تەواو بون و لەم هەفتەیەكدا دەست بەدابەشكردنی دەكرێت.
باسی لەوشكردوە: رێنمایی لە سەرۆكایەتی ئەنجومەنی وەزیرانەوە هەیە بۆ ئەوەی لە مانگی رەمەزاندا بەشێكی تریش خۆراك دابەش بكرێت واتا دوو بەش.
وەزیری بازرگانی جەختیلەوەشكردوەتەوە: بەرزبونەوەی نرخی نەوت و كاریگەری لەسەر سیاسەتە داراییەكانی دەوڵەت و تێپەڕاندنی پرۆژە یاسای بودجە بوە هۆی زیادبونی دابینكردنی پارە و ئەوەش كاریگەری ئیجابی لەسەر دابەشكردنی مادە خۆراكیەكان كردوە.