2021-04-11   734     
سەرۆك وەزیرانی عێراق بەردی بناغەی پێنج پڕۆژەكەی بەنداوی گەورەی فاوی لە بەسڕە دانا.
ئاوێنە: ئەمڕۆ یەكشەممە 11ی نیسان مستەفا كازمی، سەرۆكوەزیرانی عێراق بە یاوەری ژمارەیەك لە بەرپرسانی بەردی بناغەی پرۆژەكەی دانا.
نوسینگەی ڕاگەیاندنی سەرۆكوەزیران لە بەیاننامەیەكدا ئاشكرایكرد، پرۆژەكە پێنج سەكۆی تایبەت بە بارهەڵگر، گۆڕەپانی عەمباركردن، هەڵكەندنی ناوەوە و دەرەوەی بەنداوەكە، تونێلی خۆر زوبێر و ڕێگای خێرای نێوان بەنداوی فاو و ئوم قەسڕ لەخۆدەگرێت.
لە 30ی كانونی یەكەمی ڕابردوو عێراق بە بەهای 2.6 ملیار دۆلار گرێبەستێكی لەگەڵ كۆمپانیای دایۆی كۆریای باشوور واژووكرد بۆ بونیادنانی قۆناغی یەكەمی بەندەری گەورەی فاو، كە چەند ساڵێكە پلانێك بۆ دروستكردنی لە كەناراوەكانی باشوور دادەنێت.
بەپێی ناوەرۆكەكەی دایۆ پێنج سەكۆی بەتاڵكردنەوەی كەشتی دروستدەكات، جگە لە ئامادەكارییەكان بۆ پێشوازیكردن لە گوێزەرەوە دەریاییەكان.