وەزیری كارەبای
حكومەتی هەرێمی كوردستان، ئەمڕۆ یەكشەممە، ئاشكرایكرد، لەمانگی رەمەزاندا رۆژانە
19 بۆ 20 سەعات كارەبای نیشتمانی دەدرێتە هاوڵاتیان.
ئاوێنە: كەمال
محەمەد ساڵح، وەزیری كارەبای حكومەتی هەرێمی كوردستان لە پەیامێكی پیرۆزباییدا بە
بۆنەی هاتنەوەی مانگی رەمەزانەوە رایگەیاند"بەم بۆنەیەوە هاوڵاتیانی كوردستان
دڵنیا دەكەمەوە لەمانگی رەمەزاندا پێدانی كارەبای نیشتمانی (19-20) كاتژمێر دەبێت."
دەقی پەیامەكەی
وەزیری كارەبا...
پەیامی پیرۆزبایی
وەزیری كارەبا بەبۆنەی هاتنەوەی
مانگی رەمەزانی پیرۆزەوە
بەناوی خوای گەورەو
میهرەبان
بەبۆنەی گەڕانەوەی
مانگی پیرۆزی رەمەزانەوە پیرۆزبایی لە موسڵمانانی خۆشەویستی كوردستان و جیهان و فەرمانبەرانی
وەزارەتی كارەبا بەتایبەتی دەكەم، ئومێدەوارم ئەم مانگە ببێتە مانگی خێرو بەرەكەت
و هەموان ساخ و سەلامەت بن.
بەپێویستی دەزانم لەم مانگەدا سوپاسی فەرمانبەرانی وەزارەتی كارەبا
بكەم كە توانیویانە سەرەڕای مەترسییەكانی كۆرۆناو خراپی دۆخی دارایی بەوپەڕی بەرپرسیارێتی
و دڵسۆزییەوە بەشێوەی ئیشكگری و 24 كاتژمێر لەخزمەتی هاوڵاتیاندا بون، هەر بەم بۆنەیەوە
هاوڵاتیانی كوردستان دڵنیادەكەمەوە لەمانگی رەمەزاندا پێدانی كارەبای نیشتمانی (19-20)
كاتژمێر دەبێت.
خودای گەورەو میهرەبان
رۆژو عیبادەتی ئەم مانگە لە هەمو لایەكمان قبوڵ بكات.
كەمال محمد ساڵح
وەزیری كارەبا
11ی نیسانی 2021