بەرهەم ساڵح، سەرۆك كۆماری عێراق، ئەمڕۆ دوشەممە، مەرسومی تایبەت بە ئەنجامدانی
پێشوەختەی لە 10ی تشرینی یەكەمی ئەمساڵ، ئیمزاكردو رایگەیاند، هەڵبژاردنی داهاتو وێستەگەیەكی
گرنگ و جیاكەرەوەیە و بە كۆڵەكەی قۆناغی داهاتوی عێراق دادەنرێت.
ئاوێنە: بەرهەم ساڵح، لە وتەیەكی ڤیدیۆییدا لەمیانی ئیمزاكردنی مەرسومەكەدا،
رایگەیاند، هەڵبژاردنی داهاتو وێستەگەیەكی گرنگ و جیاكەرەوەیە و بە كۆڵەكەی قۆناغی
داهاتوی عێراق دادەنرێت، بۆیە پێویستە رەنگدانەوەی خواستی گەل بێت بۆ چاكسازی و
راستكردنەوەی رێڕەوی حوكمڕانی، بۆیە زامنكردنی مافی دەنگدەران لە دیاریكردنی نوێنەرەكانیان
دور لە گوشار و دزینی دەنگەكانیان كارێكی هەرە لە پێش و سەرەكییە بەئاڕاستەی كۆتاییهاتنی
قەیرانە كەڵەكەبوەكانی رابردو و چارەسەری كێشەكانی بژێوی ژیان و گوزەرانی خەڵك.
ھەروەھا سەرۆک کۆمار دوپاتیکردەوە کە دوای دەرچونی ئەم مەرسومە لایەنە پەیوەندیدارەكان
پێویستە پابەندبن بە زەمینە خۆشكردن لەبەردەم هەڵبژاردنێكی پاك و بێگەرد لە تەواوی
قۆناغە جیاوازەكاندا، بەجۆرێك كە دور بێت لەهەر گومان و نیگەرانییەك كە لە رابردودا
هۆكاری سەرەكی بوە بۆ ناڕەزایەتی بەشێكی بەرفراوانی خەڵك لە هەڵبژاردنەكان.