وەزارەتی ناوخۆی حكومەتی هەرێمی كوردستان، ئێوارەی ئەمڕۆ دوشەممە، لە بەیانێكدا،
17 بڕیاری لیژنەی باڵای بەرەنگاربونەوەی كۆرۆنای بڵاوكردنەوە.
ئاوێنە: بەپێی بڕیارەكان خوێندن لە قۆناغی 1ی بنەڕەتی تا 11ی ئامادەیی و
پەیمانگاكانی سەربە وەزارەتی پەروەردە بەشێوازی ئۆنلاین بەردەوام دەبێت و هەرچی
قۆناغەكانی 12ی ئامادەییشە لە خوێندنگا حكومی و ناحكومییەكان بەردەوام دەبن لە وانە
خوێندن و تاقیكردنەوەكانیان بە رەچاوكردنی رێنماییە تەندروستییەكان.
سەبارەت بە زانكۆو پەیمانگاكانی بە وەزارەتی خوێندنی باڵا، ئاماژەی
بەوەداوە كە ئەو زانكۆیانەی لە تاقیكردنەوەدان پڕۆسەی تاقیكردنەوەكانیان بەردەوام
دەبێت و سەرجەم پڕۆگرامی خوێندن كە ماوە بەشێوازی ئۆنلاین بەردەوام دەبێت بەڵام
وانە پراكتیكییەكان لەناو كەمپەسی زانكۆكاندا بەردەوام دەبن.
هەروەها یەكێكی تر لە بڕیارەكان بریتییە لە كردنەوەی دەرگای مزگەوت و شوێنە
ئایینییەكانی دیكە بەپێی رێنماییەكانی وەزارەتی ئەوقاف.