هاوڵاتییەکی خەڵکی دیواندەرە لەسێدارە درا
  2021-04-13       346       
ڕێکخراوی هەنگاو بۆ مافەکانی مرۆڤ رایگەیاند، سزای لەسێدارەدانی هاوڵاتییەکی خەڵکی دیواندەرە لە بەندیخانەی بیرجەند، ناوەندی پارێزگای خوراسانی باشور جێبەجێ کراوە.

ئاوێنە: ڕێکخراوی هەنگاو بۆ مافەکانی مرۆڤ بڵاویکردەوە، بەرەبەیانی رۆژی دوشەمە سزای سێدارەی هاوڵاتییەکی خەڵکی دیواندەرە بە ناوی "ئەرسەلان مورادی" لە بەندیخانەی ناوەندیی بیرجەند، ناوەندی پارێزگای خوراسانی باشور، جێبەجێ کراوە.

بە وتەی سەرچاوەیەکی ئاگادار، ئەرسەلان مورادی دو ساڵ پێش لە خوراسانی باشور دەستبەسەر کراوە و لە لایەن دەزگای دادوەری کۆماری ئیسلامیی ئێرانەوە بە تۆمەتی "تاوانەکانی پێوەندیدار بە مادەی هۆشبەرەوە" سزای سێدارەی بەسەردا سەپێنراوە.

ئەندامێکی بنەماڵەی مورادی بە هەنگاوی راگەیاند، بەرپرسانی بەندیخانەی بیرجەند تەنانەت رێگەیان نەداوە کە ئەرسەلان بۆ دوایین جار لە گەڵ بنەماڵەکەی چاوپێکەوتن بکات.
زۆرترین بینراو
© 2021 Awene Online, Inc. All Rights Reserved.
×