سەرۆکی دەستەی ژینگە: ئەو پارەیەی بەناوی ژینگەوە لەهاوڵاتیان وەردەگیرێت بۆ ژینگه‌ خه‌رج ناكرێت
  2021-04-16       204       
عەبدولڕەحمان سدیق
سەرۆکی دەستەی پاراستن‌و چاککردنی ژینگەی هەرێمی کوردستان ئاشكرای‌ ده‌كات كه‌ ئەو پارەیەی بەناوی ژینگەوە لەهاوڵاتیان وەردەگیرێت بۆ ژینگه‌ خه‌رج ناكرێت‌و ناگەڕێتەوە بۆ ناو داهاتی حکومەت.

ئاوێنه‌: ڕۆژی ٧ی نیسانی ٢٠٠٨، پەرلەمانی کوردستان ڕۆژی ١٦ی نیسانی هەموو ساڵێکی وەک ڕۆژی ژینگەی کوردستان دیارییکرد، کە هاوکاتە لەگەڵ ساڵیادی بۆردومانکردنی گوندی شێخ وەسانان‌و بالیسان لەدۆڵی خۆشناوەتی لەساڵی ١٩٨٧ بەچەکی قەدەغەکراوی کیمیایی.

لەڕۆژی ژینگەی کوردستاندا، عەبدولڕەحمان سدیق، سەرۆکی دەستەی پاراستن‌و چاککردنی ژینگەی هەرێمی کوردستان لەکۆنگرەیەکی ڕۆژنامەنوسیدا هەڵمەتی هەفتەی هوشیاریی ژینگەیی ڕاگەیاندو ئاماژەی بەوەشدا، پێداچونه‌وه‌یان به‌هه‌ردوو یاسای ژماره‌ ٨ی ساڵی٢٠٠٨ و یاسای ژماره‌ ٣ی ساڵی٢٠١٠ی ژینگەدا کردووە به‌مه‌به‌ستی هه‌مواركردنه‌وه‌یان له‌به‌رژه‌وه‌ندی ژینگه‌ی هەرێمی كوردستان و ڕەوانەی پەرلەمانیان کردووە بۆ پەسەندکردنی.

لەوەڵامی پرسیاری ڕۆژنامەنوساندا، کە ئایا ئەو پارەیەی ئێستا بەناوی ژینگەوە لەهاوڵاتیان وەردەگیرێت بۆ خزمەتی ژینگەو بۆ دەستەی ژینگە دەگەڕێتەوە یان نا؟، عەبدولڕەحمان سدیق وتی، تا ئێستا هیچ بڕە پارەیەک نەگەڕاوەتەوەو خراوەتە ناو سندوقێکەوە کە ناگەڕێتەوە بۆ ناو داهاتی حکومەت.

زۆرترین بینراو
© 2021 Awene Online, Inc. All Rights Reserved.
×