كۆمه‌ڵه‌: پێشمه‌رگه‌یه‌كمان له سلێمانی به‌تۆمه‌تی سیخوڕی ده‌ستگیركراوه‌
  2021-04-17       1193       
سكرتاریه‌تی كومیته‌ی ناوه‌ندی كۆمه‌ڵه‌ی شۆڕشگێڕی زه‌حمه‌تكێشانی كوردستانی ئێران رایگه‌یاند، پێشمه‌رگه‌یه‌كیان به‌تۆمه‌تی سیخوڕی له‌ شاری سلێمانی ده‌ستگیركراوه‌، زۆربه‌ی ئه‌و لێدوان و ھه‌واڵانه‌شی ‏ له‌چه‌ند ڕۆژی پێشودا، ده‌رباره‌ی ئه‌و كه‌یسه‌ بڵاوكراونه‌ته‌وه‌ ڕه‌تده‌كه‌نه‌وه‌. 

ئاوێنه‌:  كۆمه‌ڵه‌ی شۆڕشگێڕی زه‌حمه‌تكێشانی كوردستانی ئێران (كۆمه‌ڵه‌) له‌راگه‌یه‌ندراوێكدا رایگه‌یاند، ڕۆژی 13ی (نیسان/4)ی 2021 ‏پێشمه‌رگه‌یه‌كی كۆمه‌ڵه‌، به‌ناوی "سمكۆ به‌نفشی" له‌ سلیمانی له‌ لایه‌ن ھیزه‌ ئه‌منیه‌كانه‌وه‌ به‌ تۆمه‌تی ئه‌منی ده‌ستبه‌سه‌ركرا،  هه‌ر له‌دوای ئاگاداربون له‌لایه‌ن به‌شی ئه‌منییه‌تی كۆمه‌ڵه‌، ئاسایشی سلێمانی ئاگادار‏كرایه‌وه‌ و لێكۆڵینه‌وه‌كان ده‌رباره‌ی ئه‌م كه‌یسه‌ ده‌ستیپێكرد.‏

ئاماژه‌ی به‌وه‌شكرد، "سه‌رئه‌نجام دوای چه‌ند ڕۆژ لێكۆڵینه‌وه‌، ئاگاداركراینه‌وه‌ كه‌ ناوبراو به‌تۆمه‌تی سیخوری ‏له‌لایه‌ن یه‌كێك له‌ھێزه‌ ئه‌منیه‌كانی ھه‌رێمی كوردستان ده‌ستبه‌سه‌ركراوه‌".
 چاوه‌ڕوانی ده‌رئه‌نجامی كۆتایی لێكۆڵینه‌وه‌كان و بڕیاری ‏دادگا ده‌كه‌ن

كۆمه‌ڵه‌ ئه‌وه‌شی خسته‌ڕ، "وێرای سوپاسی لایه‌نه‌ ئه‌منی و دادوه‌ریه‌كانی ھه‌رێمی كوردستان له‌ ‏ئاگاداركردنه‌وه‌ی كه‌یسی ناوبراو، چاوه‌ڕوانی ده‌رئه‌نجامی كۆتایی لێكۆڵینه‌وه‌كان و بڕیاری ‏دادگا ده‌كه‌ن".

كۆمه‌ڵه‌ی شۆڕشگێڕی زه‌حمه‌تكێشانی كوردستانی ئێران ئه‌وه‌شی رونكرده‌وه‌، زۆربه‌ی ئه‌و لێدوان و ھه‌واڵانه‌ی ‏كه‌ له‌چه‌ند ڕۆژی پێشودا، ده‌رباره‌ی ئه‌م كه‌یسه‌ بڵاوكراوه‌ته‌وه‌، ڕه‌تده‌كاته‌وه‌ و  ‏به‌دڵنیاییه‌وه‌، ئه‌م لێدوانانه‌ له‌لایه‌ن نه‌یارانی كۆمه‌ڵه‌ و به‌مه‌به‌ستی چه‌واشه‌كاریی بڵاو ‏كراوه‌نه‌ته‌وه‌.‏
زۆرترین بینراو
© 2024 Awene Online, Inc. All Rights Reserved.
×