د. مستەفا موسلیم بە کۆرۆنا مرد
  2021-04-17       1230       

پرۆفیسۆر د. مستەفا موسلیم زانای ئایینی ئیسلامی و مامۆستای زانکۆی (ئەلزەهرا) دوای توشبونی بە ڤایرۆسی کۆرۆنا، ئەمڕۆ شەممە لە تەمەنی 81 ساڵیدا مرد.

ئاوێنه‌: پرۆفیسۆر د. مستەفا موسلیم محەممەد، زانای ئایینی ئیسلامی و برای ساڵح موسیلم، هاوسەرۆکی پێشوی پارتی یەکێتی دیموکرات (پەیەدە) بو، ناوبراو ساڵی 1940 لە کۆبانی لەدایکبوە و ساڵی 1965 کۆلیژی شەریعەی لە شام تەواوکردوە.

د. مستەفا لە زانکۆی ئەزهەر بڕوانامەی ماستەری بەدەستهێناوە و لە چەندین وڵاتی عەرەبی وەک مامۆستای زانکۆ کاریکردوە، هەروەها پسپۆڕی تەفسیری قورئان بوە.

ناوبراو لە چەند ساڵی رابردودا لەوڵاتی تورکیا ژیاوە و لەگەڵ وانەوتنەوەیدا لەزانکۆ، سەرۆکی زانکۆی ئەلزەهراشی کردوە.



زۆرترین بینراو
© 2024 Awene Online, Inc. All Rights Reserved.
×