هێزێكی ئه‌منی تایبه‌تی سه‌ربازی ئه‌مڕۆ یه‌كشه‌ممه‌ جه‌مال كه‌ربولی سه‌رۆكی حزبی حه‌ل و ئه‌ندامی هاوپه‌یمانێ "العزم"ی له‌ به‌غدای پایته‌خت ده‌ستگیركرد.

ئاوێنە: به‌وته‌ی سه‌رچاوه‌یه‌كی ئه‌منی له‌ پارێزگای به‌غدا، هێزێكی تایبه‌تی سه‌ربازی به‌ فه‌رمانی لیژنه‌ی روبه‌ڕوبونه‌وه‌ی گه‌نده‌ڵی، جه‌مال كه‌ربولی و لوئه‌ی برایان له‌ ناوچه‌ی یه‌رموكی ناوه‌ڕاستی به‌غدا ده‌ستگیركردوه‌.

ئه‌وه‌شی خسته‌ڕو، ده‌ستگیركردنی سه‌رۆكی حزبی حه‌ل و لوئه‌ی برای به‌پێی فه‌رمانێكی دادگا بوه‌ و به‌تۆمه‌تی ئه‌نجامدانی گه‌نده‌ڵی و دارایی ده‌رچوه‌.

كۆتایی ساڵی 2020، مسته‌فا كازمی سه‌رۆك وه‌زیرانی عێراق بڕیاریدا به‌پێكهێنانی لیژنه‌ی روبه‌ڕوبونه‌وه‌ی گه‌نده‌ڵی و خۆی سه‌رپه‌رشتی راسته‌وخۆی لیژنه‌كه‌ ده‌كات.