پەرلەمانتارێك: ئەم ھەفتەیە پشكی ھەرێمی كوردستان رەوانە دەكرێت
  2021-04-20       385       
پەرلەمانتارێكی كورد لەئەنجومەنی نوێنەرانی عێراق رایگەیاند، ئەم ھەفتەیە پشكی ھەرێمی كوردستان لەبودجەی عێراق رەوانە دەكرێت.

ئاوێنه‌: ئارەزو مەحمود، پەرلەمانتاری كورد لەئەنجومەنی نوێنەرانی عێراق به‌میدیاكانی‌ پارتی‌ ڕاگه‌یاندووه‌، "لەم ھەفتەیە سەرجەم بڕگەكانی یاسای بودجە دەچنە بواری جێبەجێكردنەوە، پشكی ھەرێمی كوردستانیش یەكێك دەبێت لەو  بڕگانەو بەبڕوای من لەم ھه‌فتەیە رەوانە دەكرێت".

سەبارەت بە تانەی وەزارەتی دارایی عێراق لە یاسای بودجە لەبارەی باج خستنەسەر مووچەی فەرمانبەران، ناوبراو وتویه‌تی‌، "بە فەرمی ھیچ شتێك لە وەزارەتی دارایی بە پەرلەمان نەگەیشتووە، ئەوەی ھەیە روون نییە وەزارەتی دارایی پشتی بە كام بڕگە و ماددە بەستووە، بۆ تانە دان لە یاسای بودجە، لەلایەن پەرلەمانەوە ھەموو شێوەیەك باج خستنە سەر مووچە رەتدەكرێتەوە و قبوڵ ناكرێت، لەبەر ئەوەی بەھۆی بەرزكردنەوەی بەھای دۆلار و كۆمەڵێك شتی تر فشاری زۆر خراوەتە سەر ھاووڵاتییان".

لە 31/3/2021 پەرلەمانی عێراق بودجەی پەسند كرد و دوای واژۆكردنی سەرۆك كۆمار، دوێنێ 19/4/2021 لە رۆژنامەی وەقایعی عێراق یاسای بودجەی فیدراڵی بۆ ساڵی 2021 بڵاوکرایەوە.
زۆرترین بینراو
© 2021 Awene Online, Inc. All Rights Reserved.
×