تورکیا کوژرانی سەربازێکی لە باشووری کوردستان راگەیاند
  2021-04-26       345       


وەزارتى بەرگرى تورکیا ناسنامەى سەربازێکى کوژراوى لە شەڕ و پێکدادانەکانى نێوان سوپاى وڵاتەکەیى و گەریلاکانى پەکەکە لە سنورى پارێزگاى دهۆک لە هەرێمى کوردستان، ئاشکرا کرد.  
  
وەزارەتى بەرگرى تورکیا  لە راگەیەندراوێکدا ناسنامەى ئەو سەربازە کوژراوەى ئاشکرا کرد کە لە سنورى پارێزگاى دهۆک و لە روبەڕوبونەوەى سوپاى ئەو وڵاتە لەگەڵ گەریلاکانى پارتى کرێکارانى کوردستان (پەکەکە) کوژراوە.  

راگەیەندراوەکە لە کاتێکدایە کە پێشتر وەزارەتى بەرگرى تورکیا دەستپێکردنى ئۆپراسیۆنێکى نوێى سەربازى لەناو خاکى هەرێمى کوردستان دژ بە گەریلاکانى پەکەکە راگەیاند کە سێهەمین ئۆپراسیۆنى سەربازى ئەو وڵاته‌
یە لەناو خاکى هەرێمى کوردستان لەماوەى کەمتر لە دوو مانگ.  

زۆرترین بینراو
© 2021 Awene Online, Inc. All Rights Reserved.
×