بەپێی راگەیەندراوی ئەمڕۆ(دوشەممە)ی وەزارەتی تەندروستی حكومەتی هەرێمی كوردستان، لەماوەی 24 سەعاتی رابردودا ژمارەی توشبوانی نوێی كۆرۆنا بەشێوەیەكی بەرچاو زیادی كردوە بەشێوەیەك كە یەك هەزارو 109 توشبو تۆماركراون و هاوكات 11 توشبوی ڤایرۆسەكەش گیانیان لەدەستداوە.

ئاوێنە: وەزارەتەكە، كەمێك لەمەوبەر لە راگەیەندراوێكدا ئاماری 24 سەعاتی رابردوی كۆرۆنای لە هەرێمی كوردستان خستەڕو.

بەگوێرەی راگەیەندراوەكە لەماوەی 24 سەعاتی رابردودا هەشت هەزارو 356 پشكنینی نوێ ئەنجامدراون و بەپێی ئەنجامەكان ژمارەی توشبون بە كۆرۆنا بەشێوەیەكی بەرچاو بەرزبۆتەوەو ژمارەی ئەو كەسانەی لەو ماوەیەدا توشی كۆرۆنا بون زیاترە لەوانەی كە لە ڤایرۆسەكە چاكبونەتەوە، بەشێوەیەك یەك هەزارو 109 توشبوی نوێی كۆرۆنا تۆماركراون و 921 توشبوش چاكبونەتەوە.

وەزارەتی تەندروستی هەرێم ئاماژەی بەوەشداوە كە لەماوەی 24 سەعاتی رابردودا 11 توشبوی دیكەی كۆرۆنا گیانیان لەدەستداوە: 3 لە هەولێر، 2 لە سلێمانی، 3 لە دهۆك، 1 لە گەرمیان، 2 لە راپەڕین.

دەقی راگەیەندراوەكە...