2021-04-27   366     
ئەندامانى کۆمەڵى دادگەرى و هاوپەیمانى بایکۆتى کۆبوونەوەى ئەنجومەنى پارێزگاى سلێمانییان کرد کە تایبەتە بە هەڵبژاردنى ئەنجومەنى شارەوانییەکان.
ئاوێنە: کاسترۆ مەعروف ئەندامى ئەنجومەنى پارێزگاى سلێمانى لە فراکسیۆنى هاوپەیمانى لە کۆنفرانسێکى رۆژنامەنوسیدا رایگەیاند، ئەو ئەنجومەنانە بەدابەشکارى و پشکى حزبى دیاریدەکرێن، بۆیە بایکۆتى کۆبوونەوەکەیان کردووە.
لاى خۆیەوە، میدیا شێخ ئەحمەد سەرۆکى فراکسیۆنى خزمەت لە ئەنجومەنى پارێزگاى سلێمانى رایگەیاند، داواى پشکى خۆیان دەکەن لەو ئەنجومەنەدا و پێویستە ئەندامێکى کۆمەڵى دادگەرى بۆ ئەو ئەنجومەنە زیاد بکرێت.
وتیشى دوو ئەندامەکەى یەکگرتوو لەفراکسیۆنى خزمەت کۆبوونەوەکەیان بایکۆت نەکردووە و تەنها دوو ئەندامەکەى کۆمەڵ بایکۆتیان کردووە.
میدیا شێخ ئەحمەد جەختیکردەوە، لەگەڵ ئەوەشدا لیستى خزمەت هەڵنەوەشاوەتەوە و لەکارکردن لە چوارچێوەى ئەو لیستەدا بەردەوامن.