وه‌زاره‌تی ته‌ندروستی هه‌رێمی كوردستان رایگه‌یاند، له‌ دوێنێوه‌ 8352 (هه‌شت هه‌زار و سێسه‌د و په‌نجاو دو) پشكنینی كۆرۆنا كراون، له‌نێویاندا 1031 (هه‌زار و سی و یه‌ك) توشبوی نوێی كۆرۆنا تۆماركراون و 973 (نۆسه‌د و حه‌فتا و سێ) توشبوش چاكبونه‌وه‌ 16 (شازده‌) توشبوش مردون.

ئاوێنە: وه‌زاره‌تی ته‌ندروستی حكومه‌تی هه‌رێمی كوردستان له‌راگه‌یه‌ندراوێكدا بڵاویكرده‌وه‌، له‌ 24 كاتژمێری رابردودا 8352 (هه‌شت هه‌زار و سێسه‌د و په‌نجاو دو) پشكنینی كۆرۆنا كراون، له‌نێویاندا 1031 (هه‌زار و سی و یه‌ك) توشبوی نوێی كۆرۆنا تۆماركراون، كه‌ 163 (سه‌د و شه‌ست و سێ) له‌ هه‌ولێر، 322 (سێسه‌د و بیست و دو) له‌ سلێمانی، 476 (چوارسه‌د و حه‌فتا و شه‌ش) له‌ دهۆك و 62 (شه‌ست و دو) له‌ گه‌رمیان 8 (هه‌شت) له‌ هه‌ڵه‌بجه‌ بون.

ئاماژه‌ی به‌وه‌شكردوه‌، 973 (نۆسه‌د و حه‌فتا و سێ) توشبو چاكبونه‌ته‌وه‌، هه‌روه‌ها 16 (شازده‌) كه‌سیش مردون، كه‌ 6 (شه‌ش) كه‌س له‌ هه‌ولێر، 7 (حه‌وت) له‌ سلێمانی و كه‌سێك له‌ گه‌رمیان، 2 (دو) كه‌س له‌ دهۆك بون.