2021-04-29   798     
دوای ئەوەی 25ی نیسان وەزارەتی دارایی و ئابوری هەرێمی کوردستان به لێبڕینی 21% دابەشکردنی موچەی دەستپێکرد، ئەمڕۆ پێنجشەممە دواین فەرمانگە کە فەرمانبەرانی خانەنشینی شارستانین موچە وەردەگرن و بەوەش دابەشکردنی موچە بۆ مانگی نیسان کۆتایی دێت.
ئاوێنه: بەگوێرەی خشتەی دابەشکردنی موچە کە وەزارەتی دارایی و ئابوری هەرێمی کوردستان بڵاویکردوەتەوە، رۆژی یەکشەممە بەرواری 2021/4/25 دەستکرا بە دابەشکردنی موچەی مانگی (نیسان/4) و لەماوەی هەفتەیەکدا و تا رۆژی 29ی مانگ کۆتایی بە دابەشکردنی موچە دێت.
ئاماژە بەوەشکراوە، ئەمڕۆ پێنجشەممە 29ی نیسان موچەی خانەنشینی شارستانی دابهشدەكرێت و كۆتایی بە دابەشكردنی موچەی ئەم مانگەی فەرمانبەرانی هەرێم دێت.
بەپێی راگەیەنراوەکەی وەزارەتی دارایی، دابەشکردنی موچەی ئەم مانگەی فەرمانبەران بە هەمان میکانزمی پێشو دەبێت، واتا بە لێبڕینی 21% بۆ فەرمانبەران و 50% بۆ پلە باڵاکان.