وەزارەتی تەندروستی حكومەتی هەرێمی كوردستان پێنج رێكاری خۆپارێزی بۆ ئەو
هاوڵاتیانە ئاشكراكرد كە لە هیندستانەوە دەگەڕێنەوە، ئەوەش دوای بڵاوبونەوەی
زنجیرەیەكی نوێی كۆرۆنا لەو وڵاتە كە بەشێوەیەكی مەترسیدار تەشەنەدەكات.
ئاوێنە: وەزارەتەكە لە نوسراوێكدا كە ئاڕاستەی بەڕێوەبەرایەتییە گشتییەكانی
هەولێر، سلێمانی، دهۆك، هەڵەبجە، گەرمیان، راپەڕین و كۆیەی كردوە، داوای كردوە ئەم
پێنج رێكارە بۆ ئەو هاوڵاتیانە بگیرێنەبەر كە لە هیندستانەوە دەگەڕێنەوە:
1.كەرەنتیكردنی ئەو كەسانەی بەشێوەی راستەوخۆ و ناڕاستەوخۆ لەو وڵاتەوە دێن
بۆ ماوەی 14 رۆژ لەگەڵ ئەنجامدانی پكشنینی پی سی ئاڕ بۆ هەر هاوڵاتییەك.
2.جیاكردنەوەی كەسانی توشبوی سەلمێنراو بە پشكنین لەو دەزگا تەندروستیانەی
كە تایبەتن بە كەرەنتینكردن لەگەڵ گرتنەبەری گشت رێكارەكانی خۆپارێزی و چارەسەر
بەپێی پێویست و بەگوێرەی پرۆتۆكۆلەكان.
3.وەرگرتنی پشكنینی دوەمی پی ئاڕ سی بۆ كەرەنتینكراوەكان پاش تێپەڕبونی
حەوت رۆژ لە پكشنینی نێگەتیفی یەكەم.
4.ئەگەر هاتو پشكنینی دوەمیش نێگەتیف بو، ئەو كەسانە لە ماڵی بۆ هەفتەی
سێیەم كەرەنتین دەكرێن و چاودێری دەكرێن لەلایەن تیمەكانی فریاگوزارییەوە بەپێی
شوێنی خۆیان.
5.نمونەیەكی پشكنین وەردەگیرێت لە كۆتایی ماوەی كەرەنتین لە ماڵەوە لەگەڵ
وەرگرتنی رێكارەكانی خۆپارێزی و بەپێی ئەنجامی پشكنینەكە.