شەوی رابردو
ژمارەیەك "چەكداری داعش" لە گوندێكی نزیك قەزای داقوق هێرشیان كردۆتەوە
سەر هێزە عێراقییەكان و لە ئاكامدا سێ پۆلیس كوژراون و ژمارەكی دیكەش برینداربون.
ئاوێنە: ئیدریس
حاجی عادل، جێگری لێپرسراوی مەڵبەندی كەركوكی یەكێتیی نیشتمانیی كوردستان بە
ماڵپەڕی رەسمی حزیەكەی راگەیاند: شەوی
رابردو لەبازگەی
شیمالی لەگوندی كەنیسە كە 500 مەتر لە قەزای داقوقەوە دورە لەلایەن داعشەوە هێرشكراوەتە
سەر هێزەكانی سوپای عێراق و پۆلیسی قەزای داقوق.
وتیشی: سەرەتا لەهێزەكانی
سوپای عێراق دراوەو هێزەكانی پۆلیسی داقوق بەهانایانەوە چون، دواتر لەلایەن
داعشەوە لەوانیش دراوە.
ئاشكراشیكرد، بەپێی زانیارییە سەرەتاییەكان سێ پۆلیس
كوژراون و سێی تریش بریندارن.