هاوپەیمانی فەتح: پێویستە هەماهەنگی هەبێت لە نێوان هێزەکانی حکومەتی ناوەندی و هیزەکانی پێشمەرگە
  2021-05-01       174       
هاوپەیمانی فەتح رایدەگەیەنێت، پێویستە هەماهەنگی هەبێت لە نێوان هێزەکانی حکومەتی فیدڕاڵی و هیزەکانی پێشمەرگە لەو ناوچانەی دۆخی ئەمنیان سەقامگیر نییە.

ئاوێنه‌: ئەمڕۆ شەممە 1ی ئایاری 2021، غەزەنفەر بەتیخ، سەرکردە لە هاوپەیمانی فەتح بە میدیا ناوخۆییەکانی راگەیاندووە، هێزی پێشمەرگە هێزێکی عێراقیە و بەشێکە لە دامەزراوەی بەرگری نیشتیمانی، هەر بۆیە پێویستە هەماهەنگی لەنێوان ئەوان و هێزەکانی حکومەتی فیدڕاڵیدا هەبێت.

ئاماژەی بەوەشكرد، بۆ پڕکردنەوەی ئەو بۆ شاییانەی لەو ناوچانەی دۆخی ئەمنیان نا سەقامگیرە "مەبەست لێی ناوچە جێناکۆکەکانە" و داعش بەردەوام سودیان لێدەبینێت، دەبێت هەماهەنگی لە نێوان پێشمەرگە و هێزەکانی حکومەتی فیدڕاڵیدا هەبن.

ئەوەشی رونكردەوە، پێویستە یەک هەڵوێستی سیاسی و ئەمنی هەبێت و ئەمەش تواناکان بەهێزتر دەکات بۆ سەرکەوتن بەسەر داعشدا، رزگارکردنی موسڵ و ناوچەکانی دیکە بە یەک هەڵوێستی بەدەستهات.

ئەمە لەکاتێکدایە، درەنگانی شەوی رابردوو و کاتژمێر12 و30 خولەک، چەکدارانی داعش لە سنوری پردێ و لەنزیک گوندی قایەباشی، هێرشیان کردە سەر دوو سەنگەری سەربازی پێشمەرگە و رووبەڕووبوونەوە لەنێوان هێزەکانی پێشمەرگە و چەکدارانی داعشدا دروست بوو، کە تیایدا شەهید و بریندار لە ریزەکانی پێشمەرگەدا کەوتەوە.



زۆرترین بینراو
© 2021 Awene Online, Inc. All Rights Reserved.
×