کۆنسوڵخانەی گشتیی ئەمریکا لە هەولێر رایدەگەیێنێت، "ئەمریکا پابەند دەمێنێتەوە بە راوەستان هاوشانی پێشمەرگە و هێزە ئەمنییە عێراقییەکانی دیکە".
ئاوێنه: پەیامەکەی کۆنسوڵخانەی ئەمریکا دوای ئەوە دێت کە بەرەبەیانی رۆژی شەممە لە هێرشێکی داعش بۆ سەر سەنگەرەکانی پێشمەرگە، سێ پێشمەرگە شەهید و دووی دیکەش بریندار بوون.
لە پەیامەکەی کۆنسوڵخانەی ئەمریکا کە لە تویتەر بڵاویکردووەتەوە هاتووە، پرسە و سەرەخۆشی ئاراستەی حکومەتی هەرێمی کوردستان و خێزانەکانی ئەو پێشمەرگانە دەکات کە لە هێرشێکی داعشدا لە پردێ گیانیان سپارد.
لە لەكاتژمێر12:30 خولەکی بەرەبەیانی ئەمڕۆ 1-5-2021 لە سنووری پردێ و لەنزیک گوندی قایەباشی، چەکدارانی داعش هێرشیان کردە سەر خاڵێکی پێشمەرگە و رووبەڕووبوونەوە دروستبوو. بەهۆیەوە سێ پێشمەرگە شەهید بوون و دوو پێشمەرگەی دیکەش بریندارن.