2021-05-03 566
لەڕۆژی جیهانی ئازادی ڕۆژنامەنوسی سەنتەری میترۆ ڕایدەگەیەنێت "لەماوەی چوار مانگدا ٤٩ پێشێلکاری بەرامبەر بەڕۆژنامەنوسان کراوە".
ئاوێنە - زریان محەمەد: لەڕۆژی جیهانی ئازادی ڕۆژنامەنوسی سەنتەری میترۆ ئامارێکی چوار مانگی ئەمساڵی ڕاگەیاند، بەپێی ئامارەکە کەوێنەیەکی لای ئاوێنەیە" لەسەرەتای ساڵی ٢٠٢١ تا ٢٠٢١/٤/٣١ لەهەرێمی کوردستان ٤٩ پێشلکاری بەرامبەر بە ٣٦ ڕۆژنامەنوس و دەستگاکانی ڕاگەیاندن کراوە".
ئامارەکە ئەوەشی تیادا هاتووە "جۆرکی پێشێلکاریەکان ٢٣ ڕێگری لەکاری ڕووماڵکردن ١٥ پێشێلکاری و هەڕەشە و سوکایەتی ٦ زەوتکردنی کەلو پەلی ڕۆژنامەنوسان ٥ دەست بەسەرکردن بەبێ بڕیاری دادگا".
بەپێی ئەم ئامارەی سەنتەری میترۆ بەراورد بە ساڵی ٢٠٢٠ لەماوەی چوارمانگدا ٨٨ دەستگیرکردن و هەڕەشەکردن و ڕێگریکردن هەبووە.
سەنتەری میترۆ هیواخوازە بتواندرێت لەداهاتودا شانازی بەوەوە بکەن کەهیچ ڕۆژنامەنوسێک بەهۆی کارەکەیەوە یان بەهۆی ڕەخنەگرتنەوە لەزینداندا نەبن.