لیژنە هاوبەشەکانی قائیمقامیەتی سلێمانی لەماوەی دوو مانگدا هەزار و 444 سەرپێچییان تۆمارکردووە و بەوهۆیەوە بە بڕی نزیكەی 113 ملیۆن دینار سزای شوێنە گشتییەکان دراوە.

ئاوێنە: بەپێی نوسراوێکی قائیمقامیەتی قەزای مەڵبەندی سلێمانی کە تێیدا هاتووە، “لە ماوەی دوو مانگدا، واتە مانگەكانی ئازار و نیسان، لیژنەکان ، 12 هەزار و 725 سەردانیان بۆ شوێنە گشتییەکان ئەنجامداوە و 154 شوێنیش داخراون.

بەپێی ئەو داتایەی قائیمقامیەتی سلێمانی بڵاویکردووەتەوە 16 شوێن لەو شوێنانەی سەردانیكراون، بەهۆی سەرپێچیی قورسەوە، دراونەتە دادگا.

لیژنەکانی قائیمقامیەت لە ڕۆژانی ڕەمەزاندا سەردانیان بۆ شوێنە گشتییەکان چڕترکردووەتەوە و بەشێك لەو شوێنانەی تایبەت بوون بە دروستكردن و فرۆشتنی شەربەت و خواردن و شرینی، سزادراون و داخراون.