2021-05-03   362     
نێچیرڤان بارزانی، سەرۆکی هەرێمی کوردستان بۆ تاوتوێکردنی پرسی دەستوور لەگەڵ کۆمەڵی دادگەریی کوردستان و ئەمینداری گشتیی یەکگرتووی ئیسلامیی کوردستان کۆدەبێتەوە.
ئاوێنە: ئەمڕۆ دوشەممە نێچیرڤان بارزانی لەبارەی پرسی دەستووری هەرێمی کوردستان کە تا ئێستە لەپەرلەمان پەسەند نەکراوە و لە خولەکانی پێشووی پەرلەمانی کوردستان هەوڵێک هەبوو بۆ نووسینەوەی، لەگەڵ هەریەکە لە عەلی باپیر، سەرۆکی کۆمەڵی دادگەری و سەڵاحەدین بەهادین، ئەمینداری یەکگرتوو کۆدەبێتەوە.
پێشتر دەستەی سەرۆکایەتیی پەرلەمانی کوردستان داوای لە سەرجەم فراکسیۆنەکان کرد تا ڕۆژی 15ی ئایاری 2021 سەرنج و تێبینییەکانیان لەبارەی پڕۆژەی دەستووری هەرێمی کوردستان بدەنە سەرۆکایەتیی پەرلەمان.
لە 25-09-2009 پەرلەمان پڕۆژەی دەستووری پەسندکرد، بەڵام لایەنەکان لەسەری کۆک نەبوون، هەربۆیە کاری پێنەکرا.