2021-05-04 457
یەكێتی مامۆستایانی كوردستان یاداشتێكی داواكاریی پێشكەش بەوەزیری دارایی‌و ئابوری ده‌كات‌و وەزیری دارایی-یش بەڵێن ده‌جات لەچوارچێوەی ئەو دەسەڵات‌و بودجەی لەبەردەستە خزمەتی چینی مامۆستایان بكات.
ئاوێنه: ئەمڕۆ سێشەممە ئاوات جەناب نوری، وەزیری دارایی‌و ئابوری پێشوازی لەشاندێكی یەكێتی مامۆستایانی كوردستان كرد. لەككۆبونەوەكەدا شاندی یەكێتی مامۆستایانی كوردستان یاداشتێكی داواكارییان پێشكەش بەوەزیری دارایی و ئابوری كرد. وەزیری دارایی و ئابورییش بەڵێنی پێبدان لەچوارچێوەی ئەو دەسەڵات و بودجەی لەبەردەستە خزمەتی چینی مامۆستایان بكات.
ئاوات جەناب نوری ئاماژەی بەوە كردووه كه "سیستمی پەروەردە شایانی ئەوەیە زیاتر پەرەی پێبدرێت و مامۆستایان پێشەنگی كۆمەڵگەی ئێمەن، دەبێت بە لەبەر چاوگرتنی ئەو دۆخە داراییەی هەرێمی كوردستانی گرتۆتەوە، داواكارییەكانی مامۆستایان جێبەجێ بكرێت."