حەوت كۆمپانیای دەرمان لە هەولێر داخران
  2021-05-05       474       

بەڕێوەبەرایەتی کۆنتڕۆڵی جۆری دەرمان، ئەمڕۆ چوارشەممە، رایگەیاند، حەوت كۆمپانیای دەرمان لە هەولێر بەهۆی سەرپێچی و كەمتەرخەمییەوە داخران.

ئاوێنە: بەڕێوەبەرایەتی کۆنتڕۆڵی جۆری دەرمان، كەمێك لەمەوبەر لە راگەیەندراوێكدا وتی"لە زنجیرەی گەڕان و بەدواداچون و پشکنینە بەردەوامەکانی ھۆبەی چاودێری بازاڕی بەڕێوەبەرایەتی کۆنتڕۆڵی جۆری دەرمان بە ھەماھەنگی لەگەڵ پۆلیسی شارەوانی و  بە مەبەستی ئاگاداربون لە شێوازی کارکردنی کۆمپانیاکانی دەرمان، هەڵمەتێکی ئەنجامدا."

ئەوەشی خستۆتەڕو"بە ھۆکاری ھەبونی سەرپێچی و کەمتەرخەمی حەوت کۆمپانیای دەرمان لە شاری ھەولێر داخران."

بەڕێوەبەرایەتییەكە جەختی كردۆتەوە كە لە رێگەی لیژنە تایبەتەکانی لە ئەرکەکانی خۆی بەردەوام دەبێ و بۆ رێگەگرتن لە سەرپێچییەکانی کەرتی دەرمان و دڵنیایی داوە بە ھاوڵاتیان لە کواڵێتی بەرھەمە دەرمانسازییەکان.

 

 

 


زۆرترین بینراو
© 2024 Awene Online, Inc. All Rights Reserved.
×