بەڕێوەبەرایەتی كۆنترۆڵی جۆری دەرمانی سەربە وەزارەتی تەندروستی حكومەتی هەرێمی كوردستان رایگەیاند، لە هەولێر دەست بەسەر بڕێكی زۆر دەرمانی قاچاخدا گیرا.
ئاوێنە: بەڕێوەبەرایەتییەكە، ئەمڕۆ چوارشەممە، لە راگەیەندراوێكدا وتویەتی"دوای ئاگادارکردنەوەی تیمی هاوبەشی چاودێریکردنی دەرمان و پۆلیسی شارەوانی لەلایەن هاوڵاتییەکەوە، لە درەنگانی شەو دەست بەسەر بڕێکی زۆری دەرمانی قاچاخدا گیرا."
بەپێی راگەیەندراوەكە ئەو دەرمانە قاچاخە لەكاتی گواستنەوەیدا دەستی بەسەردا گیراوە.
بەڕێوەبەرایەتی كۆنترۆڵی جۆری دەرمان وتوشیەتی"سەرپێچیکار دەست بەسەرکرا و روبەڕوی یاسا دەكرێتەوە."
بەڕێوەبەرایەتییەكە داوای لە هاوڵاتیان كردوە لە كاتی ھەبونی ھەر حاڵەتێکی نایاسایی لە رێگای ژمارە مۆبایلی (07502356000) تیمەکانیان ئاگاداربکەنەوە.