رێباز حەملان، یاریدەدەری
سەرۆكی حكومەتی هەرێم رایگەیاند، دوای جەژنی رەمەزان، پڕۆژە یاسای بودجەی هەرێم
رەوانەی پەرلەمانی كوردستان دەكرێت.
ئاوێنە: رێباز
حەملان، ئێوارەی ئەمڕۆ چوارشەممە، لە پەیامێكی پیرۆزباییدا بەبۆنەی جەژنی
رەمەزانەوە رایگەیاند"پاش جەژنی رەمەزان بودجەی ھەرێم رەوانەی پەرلەمان دەکرێت
و لەگەڵ ھاتنی مافەداراییەکانی ھەرێمیش لەبەشە بودجەی 2021ی بەغدا ھیواکان بۆ گوزەرانێکی
باشتر دێنە دی."
یاریدەدەری سەرۆكی حكومەتی هەرێم وتوشیەتی"لەم قۆناغەدا بە پێکەوەیی و لە خۆبوردەیی
دەتوانین خزمەتی ھەرێمەکەمان و ھاونیشتمانیان بکەین، ئەم جەژنە بکەینە دەرفەتێک بۆ
ئارام کردنەوەی دەرونی خەڵک و کاری زیاتر بکەین لە جێبەجێکردنی بریارەکانی چاکسازی
و ئاوەدانکردنەوەی زیاتری شارو شارۆچکەکانمان."