سەڵاحەدین بەهادین، ئەمینداری گشتی یەكگرتوی ئیسلامی رایگەیاند، لەسەر كەیسی سزادراوانی بادینان پرسیار لەسەر دامەزراوەی دادوەری پەیدابوەو ئازادی بیروڕاو فرەیی و ڕۆژنامەوانی لە هەرێم كەوتوەتە ژێر پرسیارەوە.
ئاوێنە: ئەو وتانەی سەڵاحەدین بەهادین، ئێوارەی ئەمڕۆ چوارشەممە، لەمیانی پەیامێكی پیرۆزباییدا هاتون بەبۆنەی هاتنی جەژنی رەمەزانەوە.
سەڵاحەدین بەهادین لە پەیامەكەیدا ئاماژەی بەوەداوە كە وێڕای بونی چەند حاڵەتێكی دڵخۆشكەر لە ئێستای هەرێمی كوردستاندا، "بەڵام جێگەی داخ و ئەسەفە لەم ماوەیەداو لەم بۆنە پیرۆزانەشدا چەندین حاڵەتی نەخوازراو دەبینین."
ئەمینداری گشتی یەكگرتوی ئیسلامی لەنێو ئەو حاڵەتە نەخوارزاوانەوە ئاماژەی بە بەردەوامی "كێشەی دارایی هاوڵاتیان و سەختی بژێوی و بڕینی موچەو بێكاری و ناسەقامگیری ئابوری" و داوەو هەروەها ئەوەشی خستۆتەڕو كە "لەسەر كەیسی سزادراوانی بادینان پرسیار لەسەر دامەزراوەی دادوەری پەیدابوەو ئازادی بیروڕاو فرەیی و ڕۆژنامەوانی كەوتوەتە ژێر پرسیارەوە."
كوردی ـ عربی - بهبۆنهی جهژنی رهمهزانی پیرۆزهوه ئهمینداری گشتی یهكگرتوو پهیامێك بڵاو دهكاتهوه - الأمين... Posted by Salahuddin M. Bahauddin صلاح الدين محمد بهاء الدين on Wednesday, May 12, 2021
كوردی ـ عربی - بهبۆنهی جهژنی رهمهزانی پیرۆزهوه ئهمینداری گشتی یهكگرتوو پهیامێك بڵاو دهكاتهوه - الأمين...