2021-05-13   415     
باڵیۆزخانەی وڵاتە یەكگرتووەكانی ئەمەریكا لەبری بایدن و وەزارەتی دەرەوە پیرۆزبایی جەژن لە گەلی عێراق دەكات و گفتی هەماهەنگی لە پێنج بواری جۆربەجۆردا دووپات دەكاتەوە.
ئاوێنه: لەپەیامی پیرۆزباییدا باڵیۆزخانەی ئەمەریكا جەخت لەوە دەكاتەوە ئەوان بەردەوام دەبن لەكاركردن بۆ ئەوەی عێراقییەكان هەست بەئارامی بكەن لەوڵاتی خۆیان و ئابوورییەكەیان ببوژێتەوە.
باڵیۆزخانە بەناوی ئیدارەی ئەمەریكاوە گفت دەدات كە پێكەوە لەگەڵ عێراقییەكان كاربكەن بۆ كۆمەڵێك ئامانج لەوانەش: بەرەنگاربوونەوەی كۆرۆنا، چاككردنی وێرانكارییەكانی دوای داعش، گەڕانەوەی ئاوارەكان، باشتركردنی ئابووری عێراق و بەرەنگاربوونەوەی گۆڕانی كەش و هەوا.
لە كۆتاییدا باڵیۆزخانەی ئەمەریكا هیوای جەژنێكی ئاسوودە بۆ هەموو عێراقییەكان دەخوازێت.