بە مەبەستی گەیاندنی خزمەتگوزاری بۆ گەڕەکی ٨ی حەسارۆک لە شاری هەولێر، سەرۆکی حکومەت سەردانی شوێنەکەی کرد.
ئاوێنه: وەزارەتی شارەوانی و گەشتوگوزار لە راگەیەندراوێکدا رایگەیاند:" رۆژی چوارشەممە مەسرور بارزانی سەرۆكی حكوومەتی هەرێمی كوردستان بە مەبەستی بەدواداچوون و چۆنیەتی گەیاندنی خزمەتگوزاری بە زەوییەكانی 8ی حەسارۆك لە شاری هەولێر، سەردانێكی مەیدانی شوێنەكەی كرد كە لەمیانەی سەردانەكەیدا، ساسان عەونی وەزیری شارەوانی و گەشتوگوزار و پارێزگاری هەولێریش یاوەری سەرۆكی حكوومەت بوون".
ئەوەش هاتووە" سەرۆكی حكوومەتی هەرێمی كوردستان لەسەر زەوییەكانی 8ی حەسارۆك لە گوتەیەكدا وەزارەتی شارەوانی و گەشتوگوزاری راسپارد كە بەزووترین كات خزمەتگوزاری بگەیەندرێتە 8ی حەسارۆك و مۆڵەتی بیناكردنیش بدرێتە خاوەنی زەوییەكان".
لەلایەکی دیکەشەوە، ئەمڕۆ پێنجشەممە ١٣ی ئایار، ئومێد خۆشناو پارێزگاری هەولێر رایگەیاند" دوای جەژن کێشەى زەوییەکانى ٨ى حەسارۆکان و ئەو گەڕەکە هاوشێوانەی هەن چارەسەر دەکرێن".