2021-05-14 470
سەفین دزەیی
سەفین دزەیی، بەرپرسی فەرمانگەی پەیوەندییەکانی دەرەوەی حکومەتی هەرێمی کوردستان لەبارەی هێرشکردنە سەر خێزانێكی شاری هه‌ولێر لەتورکیا رایگەیاند، "ئێمە بەتوندی روداوەکە شەرمەزار دەکەین."
ئاوێنه: سەفین دزەیی راشیگەیاند، "بەداخەوە ئەو خێزانە دەستدرێژییەکی نامرۆڤانەیان کراوەتەسەر، بەتایبەت کە منداڵ و خانمی خێزانەکە لە شوێنەکەدا بوون، ئێستا پەڕاوی لێکۆڵینەوە بۆ رووداوەکە کراوەتەوە و بەپێی ئەو زانیارییانەی پێمان دراوە، سێ کەس دەستگیرکراون".
لەبارەی دۆخی تەندروستیی ئەو كه‌سانه‌وه کە هێرشیانكراوه‌ته‌سەر، سەفین دزەیی وتی، "پەیوەندیم بەکاک موشتاق کردووەو سوپاس [بۆ خوا] رەوشی تەندروستیی جێگیرە".
لەبارەی هەڵوێستی حکومەتی هەرێمی کوردستان لەبارەی ئەو روداوە، سەفین دزەیی دەڵێت، "ئێمە پەیوەندیمان بەکۆنسوڵی تورکیا لە هەولێر کردووەو ناڕەزایی خۆمانمان پێگەیاندووە، هیوادارین بەرپرسەکانی تورکیا بەدروستی بڕیار بدەن".