فەرماندەى فەیلەقى قودس پەیوەندییەکى تەلەفۆنى لەگەڵ سەرۆکى مەکتەبی سیاسی حەماس، ئەنجامدا
  2021-05-15       739       

هاوکات لەگەڵ پەرەسەندنەکانى هێرشەکانى ئیسرائیل بۆ سەر کەرتى غەزە و ناوچەکانى ترى فەڵەستین، فەرماندەى فەیلەقى قودسى ئێران پەیوەندییەکى تەلەفۆنى لەگەڵ سەرۆکى مەکتەبی سیاسی بزوتنەوەی حەماس، ئەنجامدا.  
  
ئاوێنه‌: بزوتنەوەى حەماس لە راگەیەندراوێکدا ئاماژەى بەوە کرد، لەپەیوەندییە تەلەفۆنییەکەى نێوان ئیسماعیل هەنییە، سەرۆکى مەکتەبى سیاسى بزوتنەوەى حەماس و ئیسماعیل قائانى، فەرماندەى فەیلەقى قودسى ئێران، قائانى جەختى لەسەر ئەوە کردەوە کە ئێران پشتیوانى فەڵەستین دەکات دژ بە تاوانکارییەکانى ئیسرائیل کە بەرامبەر بە قودس و کەرتى غەزە ئەنجامى دەدات.  

بەگوێرەى راگەیەندراوەکەى حەماس، قائانى ستایشى مقاوەمەى فەڵەستینى کردووە لە پارێزگاریکردن لە گەلى فەڵەستین و داکۆکیکردن لێیان.  


راگەیەندراوەکە رونیدەکاتەوە کە لە پەیوەندییە تەلەفۆنییەکەدا هەنییە تاوانەکانى زایۆنیزمى لەشارى قودس و شێخ جەراح بۆ قائانى رونکردۆتەوە و تاوتوێى بارودۆخى کەرتى غەزە و ئەو تاوانانەیان کردووە کە داگیرکەر دەرهەق بە ژنان و منداڵان و لە تێکدانى خانو و فەرمانگە حکومییەکان، ئەنجامى داوە.  
زۆرترین بینراو
© 2021 Awene Online, Inc. All Rights Reserved.
×