رۆژی سێشەممە پەرلەمانی كوردستان كۆدەبێتەوەو بەپێی بەرنامەی كاری
دانیشتنەكە، خوێندنەوەی یەكەم بۆ شەش پڕۆژە یاسا دەكرێت، دەنگ لەسەر پڕۆژە یاسایەك
دەدرێت و هەروەها متمانەدان بە سەرۆكی نوێی دەستەی سەربەخۆی مافی مرۆڤ لەهەرێمی
كوردستان دەخرێتە دەنگدانەوەو پەرلەمانتارێكیش بیرۆكەی خۆی بۆ دۆزینەوەی هەلی كار
دەخاتەڕو.
ئاوێنە: دەستەی سەرۆكایەتی پەرلەمانی كوردستان، پاشنیوەڕۆی ئەمڕۆ یەكشەممە،
بەرنامەی كاری دانیشتنی رۆژی سێشەممە 18/5/2021ی ئاشكراكرد كە بڕیارە سەعات 11ی
پێشنێوەڕۆی ئەو رۆژە دەستپێبكات.
بەرنامەی كاری دانیشتنەكەی پەرلەمانی كوردستان پێكدێت لە:
یەكەم: دەنگدان لەسەر پاڵاوتنی بەڕیز (منی یوخنا یاقو) بۆ پۆستی سەرۆكی دەستەی
سەربەخۆی مافی مرۆڤ لەهەرێمی كوردستان-عێراق.
دوەم: خوێندنەوەی یەكەم بۆ ئەم پڕۆژەیاسایانەی خوارەوە، پشت بەستن بەحوكمی
بڕگەی (یەكەم)ی ماددەی (83) لەپەیڕەوی ناوخۆی پەرلەمانی كوردستان.
1- پڕۆژەیاسای (بەركاركردنی
یاسای ڕەسمی پولی عێراقی ژمارە (71)ی ساڵی 2012 لەهەرێمی كوردستان-عێراق).
2- پڕۆژەیاسای (هەمواری
یاسای ماف و ئیمتیازاتی كەمئەندام و خاوەن پێداویستیی تایبەت ژمارە (22)ی ساڵی
20211 لەهەرێمی كوردستان-عێراق).
3- پڕۆژەیاسای (بەركاركردن
و هەمواری پیادەكردنی یاسای وەبەرهێنانی پیشەسازیی هەردوكەرتی تایبەت و تێكەڵاو،
ژمارە (20)ی ساڵی 1998ی هەمواركراو لەهەرێمی كوردستان-عێراق).
4- پرۆژەیاسای (هەمواری
دوەمی یاسای یەكێتیی ژورەكانی بازرگانی و پیشەسازی لەهەرێمی كوردستان-عێراق ژمارە
(14)ى ساڵی 1993).
5- پڕۆژەیاسای (هەمواری
یەكەمی یاسای وەزارەتی بازرگانی و پیشەسازی لەهەرێمی كوردستان -عێراق ژمارە (10)ی
ساڵی 2010).
6- پڕۆژەیاسای (هەمواری
پیادەكردنی یاسای بازرگانیی عێراقی ژمارە (30)ى ساڵی 1984 لەهەرێمی كوردستان -عێراق).
سێیەم: دهنگدان لهسهر پڕِۆژەیاسای یاسای (وەزارەتی كارەبا لەهەرێمی
كوردستان-عێراق)، بهپێی حوكمی ماددهكانی (90، 91، 93، 96، 97) لهپهیڕهوی ناوخۆی
پهرلهمانی كوردستان.
چوارەم: خستنەڕوی بیرۆكەی بەڕێز پەرلەمانتار (عبدالستار مجید قادر) پەیوەست
بە دۆزینەوەی هەلی كار لەڕێگای بەگەرخستنەوەی كارگەكان) بەپێی حوكمی خاڵی (2)ی بڕگەی
(یەكەم) لەماددەی (49)ی پەیڕەوی ناوخۆی پەرلەمانی كوردستان-عێراق.